O ddydd Llun, bydd Treganna yn croesawu plant yn ôl i’r Feithrin, Dosbarth Derbyn, Blwyddyn 1 a Blwyddyn 2.
Mae gan bob un ohonom ran i’w chwarae o ran sicrhau bod ein hysgolion yn gallu aros ar agor i’r disgyblion hyn ac y gallwn, gobeithio, groesawu blynyddoedd eraill yn ôl yn fuan.
Er mwyn i hyn ddigwydd, cadwch eich hun, eich teuluoedd a staff ein hysgol yn ddiogel drwy ddilyn y rheolau hyn:
? Gwisgwch orchudd wyneb yn ystod amseroedd gollwng a chasglu
2? Cadwch 2️ fetr ar wahân i eraill
⌚ Peidiwch â chyrraedd yn gynnar i ollwng/ codi eich plentyn er mwyn osgoi gormod o bobl yn casglu wrth gatiau’r ysgol
⚠️Dylech osgoi ymgynnull gyda rhieni eraill o amgylch mynedfeydd yr ysgol a gadewch yn syth ar ôl yr amseroedd gollwng neu gasglu. Peidiwch â chael eich temtio i aros i sgwrsio.
? Cerddwch neu ewch ar sgwter neu feic lle bo modd.
? Os oes rhaid i chi yrru, parciwch ymhell i ffwrdd o’r ysgol a cherddwch weddill y ffordd.
?️ I helpu gyda diogelwch disgyblion a mesurau cadw pellter cymdeithasol, peidiwch â pharcio ar y palmant
? Peidiwch â derbyn cynnig o lifft i’r ysgol gan rieni eraill, oni bai nad oes gennych ddewis arall
Gwnewch yn siŵr bod eich plentyn yn deall pwysigrwydd golchi ei ddwylo’n rheolaidd
Cofiwch hefyd:
⚠️ Peidiwch ag anfon eich plentyn i’r ysgol os yw’n teimlo’n sâl, hyd yn oed os nad ydych yn siŵr ai Coronafeirws ydyw.
⚠️ Peidiwch ag anfon eich plentyn i’r ysgol os ydy e/hi neu unrhyw un arall yn yr aelwyd yn dangos unrhyw un o symptomau COVID-19
⚠️ Peidiwch ag anfon eich plentyn i’r ysgol os ydy e/hi neu unrhyw un arall yn yr aelwyd yn aros am ganlyniad prawf
⚠️ Peidiwch ag anfon eich plentyn i’r ysgol os ydy e/hi wedi’i nodi fel cyswllt agos ag achos COVID-19 a gadarnhawyd
Er bod ysgolion yn ailagor i rai disgyblion, nid yw Coronafeirws wedi diflannu. Atgoffwn rieni a gofalwyr na chaniateir cymysgu y tu allan i’r ysgol o hyd, hyd yn oed os ydynt yn yr awyr agored a hyd yn oed os yw plant yn yr un swigod yn yr ysgol.
Mae hyn yn cynnwys cysgu dros nos, partïon a sesiynau chwarae gan y gallai hyn gynyddu lledaeniad y feirws ac arwain at fwy o gyfyngiadau.
I gael rhagor o wybodaeth am sut i gadw’n ddiogel a chadw ysgolion ar agor, darllenwch ein Cwestiynau Cyffredin i rieni a disgyblion sydd wedi’u diweddaru: https://www.cardiff.gov.uk/dychwelydirysgol
Os ydych chi’n ansicr a ddylech gadw eich plentyn gartref i hunanynysu neu i gael prawf, dilynwch ein canllawiau i rieni ar gyfer absenoldebau sy’n gysylltiedig â COVID-19: https://www.cardiff.gov.uk/gwiriwrsymptomauysgolion
